diumenge, 5 de juny de 2011

Aves plasticorum plenae

Sicut illa quam vides in imagine, multae aves maritimae habent in ventre suo partes omnis generis plasticorum. Corpus eorum paulatim plasticis impletur, usque ad mortem quae evenit cum avis non potest iam alimenta ducere in ventrem suum tanta immunditia plenum. Scientifici qui rem quaerunt adfirmant partes plasticorum in 90%   ex corporibus avium mortuarum examinatis inventas esse. Adeo nos homines maria polluimus plasticis nostris!
Mox ipsi plasticis corpus nostrum polluemus, nisi cavemus ne sordem plasticorum in mare iaciamus!

(Nogueras scripsit)

Cap comentari:

Publica un comentari a l'entrada