dilluns, 7 de novembre de 2011

Vae victis!

Gratias ago Conxitae Berney, quae permisit hic exhibere photographema
ab ea factum Barcinone a.d. XIII Kal. Iul. MMXI (19 J)
Ante paucos dies princeps minister Graeciae collegas suos Europaeos terruit. Statuit enim ille populum sententiam rogare de “auxilio pecuniario” (id est, pecunia grandi fenore occupata) quod civitates Europeae promiserant. Adeo vera Democratia valde minax videtur politicis qui curant tantum rationem potentium Argentariarum! Timebant ne discrimen in Europa gravius fieret si Populus Graecus statueret Civitates Eurone Consociatas relinquere. Terror autem mox evanuit, quod plebis scitum tandem non fiet. “Auxilio” a principe ministro accepto, pecuniam iniquissimo fenore reddere cives Graeci debebunt. Sic miseri miseriores fient.

Nonne auditis ridere Brennum hodiernum, argentarium divitem factum...?

(Nogueras scripsit)

Cap comentari:

Publica un comentari a l'entrada